It was after I watched the episode of Satyamev Jayte on alternate sexuality in which they had invited Gazal Dhaliwal, who is also a trans-woman, I finally came out of my shell and told my wife about who I really am. The following few days for both of us were full of depression and I recalled all my pain from the past living a trapped and imprisoned life in this male body....that is when I wrote this poem... it's my first time in Hindi, please do not mind the grammar and words, just feel it...
na jaane kyon yeh bhanwar utha..
naa jaane kyon yeh baadh aayee..
mangi thi barish ki thandi bauchhar
chha gayi zindagi mein mahamaari..
tha sukha.. tha akaal pada..
thi takleefein har taraf chayee..
par zinda tha yeh sharir mera...
bhale zindagi kabhi naa raas ayee..
mere bhi the sapne bade..
sir pe thi zimmedariyan khadi..
har raste par rode ade
har mukaam par zzilatein padi
bahar ka yeh aadmi khamosh raha..
par .....ander ki yeh kambakht aurat ro padi 
tha gussa bahot dil mein bhara
thi mann mein bechaini badi..
har lamha tha ek pahad bada..
par mai bina ruke chadhte rahi..
tha bharosa is baat ka..
ki ek din subah nayee aaegi..
raatein guzri hain ro ro kar..
par suraj ki nayee kirne khushiyan laengi...
magar andhera to is kadar tha chhayaa..
logo ki aankhon pe thi pattiyan padi..
koi chedta koi choota,
pure jism par bandhi thi kaanton ki ladi..
bahar ka yeh aadmi khamosh raha..
par .....ander ki yeh kambakht aurat ro padi
yeh "uper wala" jise log kehte hain..
suna hai, bahot bada kalakar hai..
saari murtiyan usi ne banayee hai..
woh zindagi ke sangeet ka ek he fankaar hai..
fir usse yeh galati kaise hui???
akhir kaise hui yeh bhool..???
jism diya mard ka
aur dil ek masoom sa phool???
chal to rahi tha na yeh zindagi..
aur the iraade bhi atal!!..
mana jaisi bhi thi yeh bandagi..
aakhir kyon sunlee maine, ummeed ki woh GAZAL (Gazal dhaliwal)
aaj ek baar phir se,
bahar ka yeh aadmi khamosh raha..
par .....ander ki yeh kambakht aurat ro padi
kyonki...
woh kosti hai mujhe... (my wife curses me everyday)
ki maine dhokha diya use...
bataya nahi use kabhi..
gumrah kiya hai maine use...
Lekin...
koshish ki thi maine bhi..
ki chup rahun sab kuch sahun..
toot gaya yeh bandh magar..
hua hungama har gali, har dagar..
aya ek aisa sailaab..
legaya bachi hui jeene ki himmat,
ab samne hai sirf aur sirf kayamat..
kaise bataun tumhe, ki mai tumhi to hoon!!
naa insaafi tumhe hai mehsoos hui abhi..
jise mai to kabse jee rahi hoon..
koshish ki thi maine, ki tumhe bhi pata na chale..
lekin...
bahar ka yeh aadmi khamosh raha..
aur .....ander ki yeh kambakht aurat ro padi...
